БНМАУ-ын Сайд нарын зөвлөлийн 1973 оны 07-р сарын 13-ны 105-р тогтоолыг үндэслен Эрүүлийг хамгаалах Яамны 1973 оны 149-р тогтоолоор Булган аймгийн Эрдэнэт хорооны их эмчийн салбар байгуулагдан Эрдэнэт хотын Эрүүл мэндийн салбарын суурь тавигдан "Эрдэнэтийн овооны хүний эмчийн салбар байгуулагдсан". Хүний эмчийн салбарын анхы эрхлэгчээр их эмч Д.Цэнд-Аюуш, асрагч Ж.Тогоо ажиллаж байв.

Эрдэнэт хотын нэгдсэн эмнэлэг 1982 онд ЗХУ-ын техник эдийн засгийн тусламжтайгаар нэг зэрэг 450 хүнд үйлчлэх хүчин чадалтай амбулатори, поликлиник бухий 220 ортой эмнэлгийн эхний ээлж, 1983 онд иж бүрнээр ашиглалтад орсон. Бүс нутгийн хүн амд эрүүл мэндийн тусламж үйлчилгээг чанартай тэгш хүртээмжтэй хүргэхийн зэрэгцээ үйлчлүүлэгчид ээлтэй орчинг бүрдүүлэх зорилгоор Монгол Улсын Засгийн газрын 2008 оны 56 дугаар тогтоолоор БУСИЙН ОНОШИЛГОО ЭМЧИЛГЭЭНИЙ ТӨВ болон өргөжсөн.